¿ POR QUÉ UN BAREMO ORIENTATIVO DE PREZOS E HONORARIOS?

 O baremo foi aprobado polo Pleno da Xunta de Goberno en sesión celebrada o 30 de decembro de 2005, e ten carácter orientativo e provisional ata que se realice o preceptivo estudo de custes.

 Tres son os motivos que xustifican a súa aprobación:

En primeiro lugar, porque constitúe o cumprimento da función recollida no artigo 8º.5. dos vixentes Estatutos aprobados mediante Decreto 170/2004, do 7 de xullo e publicados no DOG núm. 144/2004 do 27 de xullo.

En segundo lugar, porque é un instrumento de especial relevancia para garantir o exercicio da profesión en condicións de igualdade ante o mercado, facilitar a translación ao produto sanitario a medida dos custes directos, indirectos e de estrutura nos que se incorre no proceso de fabricación, e establecer un marco que contribúa a erradicación da competencia desleal e o instrusismo.

En terceiro lugar, porque permite fixar a estrutura de prezos que retribúe adecuada e dignamente ó exercicio da profesión e garante a calidade do produto sanitario.

ADVERTENCIA

 O baremo en ningún caso é unha tarifa de prezos mínimos para súa aplicación xeral polos profesionais colexiados, por canto está expresamente prohibido polo artigo 1º.1. da Lei 16/1989, do 17 de abril, sobre defensa da competencia.

 Tampouco é unha recomendación colectiva de aplicación dos prezos que se conteñen nel, co obxecto de impedir, restrinxir ou falsear a competencia en todo ou en parte do mercado, senón que é un mero documento de referencia que, con carácter orientativo, permite a elaboración das tarifas de cada profesional con arreglo a súa propia estrutura de custes e marxes empresariais. Non pretende ser, polo tanto, un documento destinado a súa utilización e difusión polo protésico como tarifa propia posto que elo constituiría unha violación da lexislación vixente en materia de defensa da competencia.